Amrit Pathak

Mai bohot ajeeb sa hu. Kai baar main khud hi khud ko nahi samajh pata. Dimag naye-naye thoughts laata rehta hai, aur phir unhe bhula bhi deta hai. Aakhir dimag chahta kya hai? Ye dimag hai ya mann - ya koi aur cheez jo bas ghoomti rehti hai. Kabhi idhar, kabhi udhar. Shayad isko sthir rehna abhi tak seekhna baaki hai. Kabhi curiosity se bhar jaata hu, kabhi failure se dukhi ho jaata hu. Phir thodi der baad achanak shant — aur bina kisi wajah ke phir ashant. Shayad dimag ko kya chahiye, isi ki khoj me main chal raha hu. Aaj jawab nahi mila, par sawaal thoda sa clear ho gaya. Shayad khojna hi iska kaam hai - Amrit

Date: 17 December 2025 Mood: Neutral, thoda curious Aaj main ye blog likh raha hoon bina kisi goal ke. Na famous hone ke liye, na paisa kamane ke liye, na kisi ko impress karne ke liye. Bas likhne ke liye. Mere dimaag me kaafi baatein chalti rehti hain. Kuch clear hoti hain, kuch bilkul nahi. Kabhi lagta hai main cheezon ko dusron se dheere samajhta hoon, kabhi lagta hai main zyada hi sochta hoon. Is blog ko main diary ki tarah use karna chahta hoon. Yahan main perfect banna nahi chahta. Yahan grammar important nahi hai. Yahan ye bhi zaroori nahi ki baat poori tarah samajh me aaye. Bas ye zaroori hai ki jo mann me hai, wo bahar aa jaye. Ho sakta hai kuch posts boring ho. Ho sakta hai kuch incomplete ho. Aur ho sakta hai kuch aise thoughts ho jo sirf mujhe hi samajh aaye. Aur ye sab theek hai. Main nahi jaanta ye blog kitne din chalega, ya main kitna regular rahunga. Par aaj likhne ke baad thoda halka lag raha hai.. shayad isiliye ye shuruaat sahi lag raha hai. Bas itna hi. Aage kya l...